महाराष्ट्रासाठी २३,७७८ कोटी रुपयांच्या विक्रमी अर्थसंकल्पीय वाटपाबद्दल माननीय रेल्वेमंत्री यांनी माध्यमांना माहिती दिली

महाराष्ट्राच्या अर्थसंकल्पीय वाटपाबाबत (व्हिडिओ कॉन्फरन्सिंगद्वारे) माध्यमांशी बोलताना माननीय रेल्वे मंत्री श्री अश्विनी वैष्णव म्हणाले की, २०२५-२६ च्या अर्थसंकल्पात महाराष्ट्राला २३,७७८ कोटी रुपयांची विक्रमी तरतूद करण्यात आली आहे.

२००९-१४ मध्ये महाराष्ट्राला देण्यात आलेल्या सरासरी १,१७१ कोटी रुपयांच्या वाटपापेक्षा हे जवळजवळ २० पट जास्त आहे. श्री धर्म वीर मीना, महाव्यवस्थापक, मध्य रेल्वे आणि इतर विभागांचे विभागीय रेल्वे व्यवस्थापक मुंबई (मध्य रेल्वे), मुंबई (पश्चिम रेल्वे), भुसावळ, नागपूर, पुणे, सोलापूर, नांदेड (दक्षिण मध्य रेल्वे) आणि नागपूर (दक्षिण पूर्व मध्य रेल्वे) त्यांच्या संबंधित  मुख्यालयात यावेळी उपस्थित होते.

छत्रपती शिवाजी महाराज टर्मिनस, भुसावळ, नागपूर, पुणे, सोलापूर, नांदेड आणि मुंबई सेंट्रल येथील माध्यम प्रतिनिधी व्हिडिओ कॉन्फरन्सद्वारे उपस्थित होते.

श्री वैष्णव म्हणाले की, महाराष्ट्र या वळणावर पुढे आहे कारण रेल्वे, राज्य सरकार आणि भारतीय रिझर्व्ह बँक यांच्यात त्रिपक्षीय करार आहे, ज्या अंतर्गत सर्व प्रकल्पांसाठी राज्य सरकारचा निधी वाटा आरबीआयकडून दिला जाऊन प्रकल्पांची अंमलबजावणी जलद होईल.

महाराष्ट्रात, अमृत भारत स्टेशन योजनेअंतर्गत १३२ स्थानकांवर पुनर्विकासाचे काम जलद गतीने सुरू आहे.

महाराष्ट्रात सध्या १,७०,००० कोटी रुपयांचे प्रकल्प प्रगतीपथावर आहेत, त्यापैकी १७,१०७ कोटी रुपयांचे ३०१ किमी लांबीचे प्रकल्प मुंबईत राबविले जात आहेत. या प्रकल्पांमध्ये: 

* छत्रपती शिवाजी महाराज टर्मिनस-कुर्ला पाचवी आणि सहावी मार्गिका 

* पॅनेल-कर्जत डबल लाईन उपनगरीय कॉरिडॉर

* ऐरोली-कळवा एलिव्हेटेड कॉरिडॉर

* कल्याण-आसनगाव चौथी मार्गिका 

* कल्याण-कसारा तिसरी मार्गिका 

* कल्याण-बदलापूर तिसरी आणि चौथी मार्गिका

* निळजे-कोपर डबल कॉर्ड मार्गिका समाविष्ट आहेत.

छत्रपती शिवाजी महाराज टर्मिनस, परळ, लोकमान्य टिळक टर्मिनस, कल्याण आणि पनवेल टर्मिनसची क्षमता वाढवली जाईल.

विविध रेल्वे अ‍ॅप्स एकत्रित करून एक सुपर अ‍ॅप विकसित केले आहे आणि त्याचे बीटा व्हर्जन गुगल प्लेस्टोअरवर उपलब्ध आहे.

या आर्थिक वर्षात ५० नमो भारत ट्रेन, १०० अमृत भारत ट्रेन आणि २०० वंदे भारत ट्रेन तयार केल्या जातील.

सुरक्षा वाढवण्यासाठी १,१६,००० कोटी रुपयांची तरतूद करण्यात आली आहे.

हाय स्पीड रेल्वेबाबत, माननीय रेल्वे मंत्री म्हणाले की, ३४० किमी ट्रॅक आधीच पूर्ण झाला आहे आणि बीकेसी, इतर स्थानके आणि समुद्राखालील बोगद्याचे काम वेगाने सुरू आहे. माननीय रेल्वेमंत्र्यांनी भारतीय रेल्वेमध्ये कवच ४.० किती वेगाने राबविले जात आहे याची माहिती दिली. श्री धर्म वीर मीना यांनी नंतर सांगितले की, मध्य रेल्वेचे सर्व ब्रॉडगेज ट्रॅक कवच सह सुसज्ज असतील. व्हिडिओ कॉन्फरन्सिंग दरम्यान छत्रपती शिवाजी महाराज टर्मिनस येथे श्री अवनीश कुमार पांडे, मुख्य प्रशासकीय अधिकारी (निर्माण), मध्य रेल्वे;  श्री अरविंद मालखेडे, प्रधान मुख्य वाणिज्य व्यवस्थापक, मध्य रेल्वे आणि श्री हिरेश मीना, विभागीय रेल्वे व्यवस्थापक,  मुंबई विभाग हे  उपस्थित होते.