जागतिक पर्यावरण दिनानिमित्त सहयोग सेवाभावी संस्था व इंदिरा कॉलेज ऑफ फार्मसीच्या संयुक्त विद्यमाने वृक्षारोपण उपक्रम

नांदेड, दि. ५ जून : जागतिक पर्यावरण दिनाचे औचित्य साधून सहयोग सेवाभावी संस्था आणि  इंदिरा कॉलेज ऑफ फार्मसी यांच्या संयुक्त विद्यमाने "झाडे लावा, झाडे जगवा" या सामाजिक संदेशावर आधारित भव्य वृक्षारोपण कार्यक्रमाचे आयोजन करण्यात आले. पर्यावरण संवर्धनाची जनजागृती करणे, विद्यार्थ्यांमध्ये वृक्षांप्रती आत्मीयता निर्माण करणे आणि हरित भविष्यासाठी सामूहिक जबाबदारीची जाणीव करून देणे हा या उपक्रमामागील प्रमुख उद्देश होता.

कार्यक्रमाचे प्रमुख मार्गदर्शक तथा सहयोग सेवाभावी संस्थेचे सचिव आणि नांदेड भाजपा दक्षिणचे जिल्हाध्यक्ष डॉ. संतुकराव हंबर्डे यांनी विद्यार्थ्यांना संबोधित करताना पर्यावरण संरक्षणाचे महत्त्व विशद केले. आपल्या प्रेरणादायी भाषणात त्यांनी सांगितले की, "वृक्ष हे केवळ निसर्गाचे अलंकार नसून मानवी जीवनाचे आधारस्तंभ आहेत. वाढते प्रदूषण, हवामानातील बदल आणि पर्यावरणीय असंतुलन यावर मात करण्यासाठी प्रत्येकाने वृक्षारोपणाबरोबरच वृक्षसंवर्धनाची जबाबदारी स्वीकारणे आवश्यक आहे. आजचा युवक हा देशाचा भविष्यकाळ आहे आणि पर्यावरण रक्षणासाठी युवकांनी एकत्रितपणे पुढाकार घेतल्यास हरित आणि समृद्ध भारताचे स्वप्न साकार होऊ शकते."

या कार्यक्रमास डॉ. नवघरे (प्राचार्य, इंदिरा कॉलेज ऑफ फार्मसी), डॉ. एस. बी. जाधव, श्री. पवन सागरुळे, कु. खान, कु. भोसले, सौ. गजेवार, कु. पालिमकर, सौ. निलकंठे तसेच राष्ट्रीय सेवा योजना (NSS) समन्वयक श्री. राज कदम यांची प्रमुख उपस्थिती लाभली.

तसेच श्री. शिवानंद बारसे (संचालक, TCS iON Digital Zone), डॉ. अग्रवाल (प्राचार्य, इंदिरा इन्स्टिट्यूट ऑफ टेक्नॉलॉजी), डॉ. भार्गवी (इंदिरा कॉलेज ऑफ फिजिओथेरपी), डॉ. गझाला खान (संचालक, इंदिरा इन्स्टिट्यूट ऑफ मॅनेजमेंट सायन्सेस) तसेच श्री. विक्रम ढोणे (प्राचार्य, इंदिरा इंटरनॅशनल पब्लिक स्कूल) संतोष पाटील जानापुरीकर यांनीही कार्यक्रमात सहभाग नोंदवून पर्यावरण संवर्धनाच्या उपक्रमास पाठिंबा दर्शविला.

कार्यक्रमादरम्यान विविध प्रजातींच्या वृक्षांचे रोपण करण्यात आले. उपस्थित मान्यवर, प्राध्यापक, शिक्षकेतर कर्मचारी आणि विद्यार्थ्यांनी स्वतः वृक्षारोपण करून पर्यावरण संवर्धनाचा संदेश प्रत्यक्ष कृतीतून दिला. यावेळी सर्वांनी पर्यावरण संरक्षण, स्वच्छता आणि हरित परिसर निर्मितीसाठी योगदान देण्याची सामूहिक शपथ घेतली.

या उपक्रमामुळे विद्यार्थ्यांमध्ये पर्यावरणाबाबत सकारात्मक दृष्टीकोन निर्माण झाला असून वृक्षारोपणासोबतच वृक्षांचे नियमित संगोपन आणि संवर्धन करण्याचा संकल्पही करण्यात आला. शिक्षक, शिक्षकेतर कर्मचारी आणि विद्यार्थ्यांच्या उत्स्फूर्त सहभागामुळे कार्यक्रम यशस्वीरीत्या संपन्न झाला.

"एक झाड – एक जीवन" या संकल्पनेला बळ देत पर्यावरण संवर्धनासाठी समाजातील प्रत्येक घटकाने पुढाकार घेण्याची गरज असल्याचा संदेश या कार्यक्रमातून प्रभावीपणे देण्यात आला.

कल्याणच्या बुद्धभूमीच्या पुनर्निर्माणाची मागणी; दोषींवर कठोर कारवाईची मुस्लिम महासंघाची भूमिका

बौद्ध भंतेंच्या संघर्षाला मुस्लिम समाजाचा पाठिंबा; जिल्हाधिकाऱ्यांमार्फत मुख्यमंत्र्यांना निवेदन

नांदेड, दि. ५ जून : कल्याण येथे बुद्धभूमी उद्ध्वस्त करून तथागत गौतम बुद्धांच्या मूर्तीची विटंबना, बौद्ध स्तूपाची तोडफोड आणि भीमा कोरेगाव विजयस्तंभाच्या प्रतिकृतीचे नुकसान करण्यात आल्याच्या घटनेचा तीव्र निषेध नोंदवत मुस्लिम महासंघ, नांदेडच्या वतीने जिल्हाधिकाऱ्यांमार्फत मुख्यमंत्री देवेंद्र फडणवीस यांना निवेदन सादर करण्यात आले.

मुस्लिम महासंघाचे संयोजक अख़िल फारुकी व अब्दुल वहीद यांच्या पुढाकारातुन निवृत्त न्यायाधीश युनूस पटेल व फारुक अहमद यांच्या नेतृत्वात विविध सामाजिक व राजकीय कार्यकर्त्यांनी जिल्हाधिकारी कार्यालयात जाऊन हे निवेदन दिले. या वेळी उपस्थितांनी ही घटना केवळ एका समाजाच्या श्रद्धास्थानावरील हल्ला नसून भारतीय संविधानातील समता, बंधुता आणि धार्मिक स्वातंत्र्याच्या मूल्यांवर झालेला गंभीर आघात असल्याचे नमूद केले.

निवेदनात म्हटले आहे की, कल्याण येथील बुद्धभूमीवरील कारवाईमुळे बौद्ध समाजाच्या भावना दुखावल्या गेल्या असून राज्यातील सामाजिक सलोखा धोक्यात येण्याची शक्यता निर्माण झाली आहे. तथागत बुद्धांच्या विचारांनी देशाला शांतता, करुणा आणि मानवतेचा संदेश दिला असताना त्यांच्या स्मृतींशी संबंधित स्थळांवर अशा प्रकारे बुलडोझर चालविणे अत्यंत दुर्दैवी आणि निषेधार्ह आहे.

मुस्लिम महासंघाने या प्रकरणाची उच्चस्तरीय व न्यायालयीन देखरेखीखाली चौकशी करण्याची मागणी केली असून बुद्धभूमी उद्ध्वस्त करण्यास जबाबदार असलेल्या सर्व व्यक्ती व अधिकाऱ्यांवर कठोर कायदेशीर कारवाई करण्याची मागणी केली आहे. तसेच उद्ध्वस्त करण्यात आलेली बुद्धभूमी शासनाच्या खर्चातून तात्काळ पूर्ववत करून तेथील स्तूप, वृक्षसंपदा आणि इतर ऐतिहासिक स्मृतींचे पुनर्निर्माण करण्यात यावे, अशीही मागणी करण्यात आली आहे.

यावेळी मुस्लिम महासंघाच्या पदाधिकाऱ्यांनी स्पष्ट केले की, “अन्याय कोणावरही झाला तरी त्याविरोधात उभे राहणे हेच संविधानिक आणि मानवी कर्तव्य आहे. बुद्धभूमीवरील हल्ला हा केवळ बौद्ध समाजाचा प्रश्न नसून सामाजिक न्याय आणि लोकशाही मूल्यांवरचा हल्ला आहे. त्यामुळे मुस्लिम समाज बौद्ध भंतेंच्या आणि बौद्ध समाजाच्या न्याय्य लढ्याच्या पाठीशी खंबीरपणे उभा आहे.”

निवेदन स्वीकारताना निवासी उपजिल्हाधिकारी किरण अंबेकर यांनी संबंधित मागण्या शासनापर्यंत पोहोचविण्याचे आश्वासन दिले. दरम्यान, दोषींवर तात्काळ कारवाई न झाल्यास राज्यभर व्यापक लोकशाही आंदोलन उभारले जाईल, असा इशाराही निवेदनाद्वारे देण्यात आला.

“बुद्धभूमीचा अपमान सहन केला जाणार नाही; संविधान आणि सामाजिक न्यायाच्या रक्षणासाठी सर्व समाजांनी एकत्र येणे ही काळाची गरज आहे,” अशी भावना उपस्थितांनी व्यक्त केली.

काँग्रेसने मोर्चा काढून उपविभागीय कार्यालयात केली दगड धोंड्यांची पेरणी

किनवट, दि. ५ जून : राज्यातील वाढती बेरोजगारी, महागाई, नीट परीक्षेचा घोटाळा, शेतकरी कर्जमाफी आणि आदिवासी समाजाच्या प्रलंबित प्रश्नांवर शासनाचे लक्ष वेधण्यासाठी नांदेड उत्तर जिल्हाध्यक्ष विठ्ठल पावडे यांच्या नेतृत्वाखाली किनवट येथे काँग्रेसचे डॉ. पुंडलिक आमले यांच्या पुढाकारातून बिरसा मुंडा चौकातून मोर्चा काढण्यात आला व उपविभागीय कार्यालय परिसरात दगड धोंड्यांची पेरणी आंदोलन करण्यात आले.

          काँग्रेसने निवेदनाद्वारे राज्यातील वाढत्या बेरोजगारीबाबत चिंता व्यक्त करत युवक-युवतींसाठी रोजगारनिर्मितीच्या ठोस योजना राबविण्याची मागणी केली. शेतकऱ्यांवरील वाढते आर्थिक संकट लक्षात घेऊन सरसकट कर्जमाफी देण्याची मागणीही करण्यात आली.

तसेच NEET परीक्षेतील कथित गैरव्यवहारांची सखोल चौकशी करून दोषींवर कठोर कारवाई करावी, अशी मागणी करण्यात आली. पेट्रोल, डिझेल, घरगुती गॅस आणि जीवनावश्यक वस्तूंच्या वाढत्या किमतींमुळे सर्वसामान्य नागरिकांचे आर्थिक बजेट विस्कळीत होत असल्याने महागाई नियंत्रणासाठी तातडीने प्रभावी उपाययोजना कराव्यात, असे आंदोलनकर्त्यांनी नमूद केले.

आदिवासी, महिला आणि वंचित घटकांच्या विकासासाठी विशेष धोरण आखावे, तसेच शासकीय योजनांचा लाभ पात्र लाभार्थ्यांपर्यंत पारदर्शकपणे पोहोचविण्यासाठी प्रशासनाने अधिक उत्तरदायी भूमिका घ्यावी, अशी मागणीही निवेदनातून करण्यात आली.मोर्चानंतर काँग्रेस पदाधिकाऱ्यांनी शासनाने जनतेच्या मूलभूत प्रश्नांकडे गांभीर्याने लक्ष देऊन तातडीने निर्णय घ्यावेत, अशी मागणी केली. बेरोजगारी, महागाई, शेतकरी व आदिवासी समाजाच्या प्रश्नांवर ठोस उपाययोजना न झाल्यास लोकशाही मार्गाने आंदोलन अधिक तीव्र करण्यात येईल, असा इशाराही यावेळी देण्यात आला.

        मोर्चामध्ये प्रदेश सचिव धनराज राठोड, मोर्चाचे आयोजक डॉ. पुंडलिक आम्ले, काँग्रेसचे ज्येष्ठ नेते के. मुर्ती, शहराध्यक्ष गिरीश नेमानीवर,  ईश्वर चव्हाण ( पंचायत राज्य सचिव महाराष्ट्र) आदिवासी नेत्या नंदिनी टारफे,काँग्रेश नेते सुभाष राठोड, ईसरत चिखलीकर, वसंत राठोड, माधव खेडकर, (कार्यालय सचिव) अनिल बंगाळे (दिव्यांग तालुकाध्यक्ष काँग्रेस )शेषेराव चारोळे, डॉक्टर गंगासागरताई आमले,माजी सरपंच  तुकाराम भिसे, दशरथ खुडे, दिंगंबर खुडे,विजय झळके, देवानंद खुडे, किशन खुडे नामदेव आमले, राम कुसरे, दत्ता जावळे,शिवदास खुडे, प्रभाकर दर्शन्नवाड, शिवाजी बोथिंगे, माजी सरपंच माणिकराव किरवले, सरपंच सीताराम जावळे, यांच्यासह महिला, पदाधिकारी, कार्यकर्ते आणि नागरिक मोठ्या संख्येने सहभागी झाले होते.

प्रमुख मागण्या :

• शेतकऱ्यांना सरसकट कर्जमाफी

• बेरोजगार युवक-युवतींसाठी रोजगारनिर्मिती

• NEET परीक्षेतील गैरव्यवहाराची सखोल चौकशी

• पेट्रोल, डिझेल, गॅस व जीवनावश्यक वस्तूंच्या वाढत्या किमतींवर नियंत्रण

• आदिवासी, महिला व वंचित घटकांसाठी विशेष विकास योजना

• शासकीय योजनांची पारदर्शक व प्रभावी अंमलबजावणी

सावरगाव (न.) येथे संगमे -बेंद्रे परिवाराचे आमदार चिखलीकरांकडून सांत्वन

लोहा दि 

सावरगाव नसरत  येथील  माजी सरपंच .माधव  बेद्रे यांची मुलगी।.शिल्पा राम संगमे यांचे काही दिवसापूर्वी आजाराने निधन झाले  त्यांच्या.निवासस्थानी आमदार 

प्रतापराव पाटील चिखलीकर  यांनी भेट घेतली व  सांत्वन केले

  सावरगाव (न) येथे प्रजासत्ताक दिनी आ चिखलीकर यांनी माजी सरपंच माधव बेंद्रे यांची कन्या शिल्पा संगमे याचे नुकतेच निधन झाले होते त्या कुटुंबियांची भेट घेतली व सांत्वन केले यावेळी  कृउबा माजी उपसभापती बालाजी पाटील कदम   माजी उपनगराध्यक्ष दत्ता वाले,माजी उपनगराध्यक्ष छत्रपतीदादा धुतमल, भारत  पाटील कदम,।,उपसरपंच पाडूरंग पाटील देवकते,गोविंदराव शिंदगे,संचालक साहेबराव काळेरल ,माजी नगरसेवक रमेश माळी साहेब,रामचंद्र पाटील बेद्रे,विठ्ठलराव पाटील बेद्रे,बेरळीचे सरपंच पप्पू नाईक ,हणमंत प कदम,विठ्ठलभाऊ राईकवाडे,दत्ता  हाके,सरपंच प्रतिनिधी राजू भावे,बसलींगआप्पा डोणगावे, सुलेमान साहेब शेख,संजय कारामुंगे,गणेश कारामुंगे,बजरंग पाटील कदम,संदीप पाटील बेद्रे,आनंद पाटील कदम,ईश्वर पा.राऊतकार,अकबर शेख,नामदेव मामा भावे,बालाजी मामा भावे,पंडितराव कोपनर सर,रावसाहेब मामा भालके,गजानन पाटील बेद्रे,शुभम ऐडवे,माधव पाटील कदम,राम पाटील कदम,संदीप पाटील कदम,महारुद्र पाटील बेद्रे,जगदीश  कदम,यासह ग्रामस्थ उपस्थित होते