नाभिक समाजाला sc प्रवर्गातून आरक्षण द्या

 मराठा समाज तसेच धनगर समाज आरक्षणानंतर आता नाभिक समाजही आरक्षणाच्या मागणीसाठी एकवटला आहे. नाभिक समाजाला आरक्षणासाठी ओबीसीऐवजी अनुसुचित जातीमध्ये (एससी) समावेश करावा, मागणीसाठी नगरमध्ये महाराष्ट्र नाभिक महामंडळाच्या वतीने उपोषण सुरू आहे. याला पाठिंबा देण्यासाठी गुरूवारी (१४ सप्टेंबर) राज्यभरातून पदाधिकारी येणार आहेत. याशिवाय नगर जिल्ह्यातील नाभिक समाज बांधवांनी आपली सलून आणि इतर दुकाने बंद ठेवून कुटुंबासह आंदोलानत सहभागी व्हावे, असे आवाहन करण्यात आले आहे. अहमदनगर हे या आंदोलनाचे केंद्र बनले आहे.

महाराष्ट्र नाभिक महामंडळ अहमदनगर शाखेच्यावतीने संत सेना महाराज यांच्या पुण्यतिथीचे औचित्य साधून तपोवन रोड येथील संत सेना महाराज भवन येथे तीन दिवसांपासून उपोषण सुरू आहे. नाभिक समाजाच्यावतीने शांताराम राऊत, विकास मदने, शिवाजी दळवी, अरुण वाघ, अजय कदम, उमेश शिंदे उपोषणाला बसले आहेत.