सावरगाव (न.) येथे संगमे -बेंद्रे परिवाराचे आमदार चिखलीकरांकडून सांत्वन

लोहा दि 

सावरगाव नसरत  येथील  माजी सरपंच .माधव  बेद्रे यांची मुलगी।.शिल्पा राम संगमे यांचे काही दिवसापूर्वी आजाराने निधन झाले  त्यांच्या.निवासस्थानी आमदार 

प्रतापराव पाटील चिखलीकर  यांनी भेट घेतली व  सांत्वन केले

  सावरगाव (न) येथे प्रजासत्ताक दिनी आ चिखलीकर यांनी माजी सरपंच माधव बेंद्रे यांची कन्या शिल्पा संगमे याचे नुकतेच निधन झाले होते त्या कुटुंबियांची भेट घेतली व सांत्वन केले यावेळी  कृउबा माजी उपसभापती बालाजी पाटील कदम   माजी उपनगराध्यक्ष दत्ता वाले,माजी उपनगराध्यक्ष छत्रपतीदादा धुतमल, भारत  पाटील कदम,।,उपसरपंच पाडूरंग पाटील देवकते,गोविंदराव शिंदगे,संचालक साहेबराव काळेरल ,माजी नगरसेवक रमेश माळी साहेब,रामचंद्र पाटील बेद्रे,विठ्ठलराव पाटील बेद्रे,बेरळीचे सरपंच पप्पू नाईक ,हणमंत प कदम,विठ्ठलभाऊ राईकवाडे,दत्ता  हाके,सरपंच प्रतिनिधी राजू भावे,बसलींगआप्पा डोणगावे, सुलेमान साहेब शेख,संजय कारामुंगे,गणेश कारामुंगे,बजरंग पाटील कदम,संदीप पाटील बेद्रे,आनंद पाटील कदम,ईश्वर पा.राऊतकार,अकबर शेख,नामदेव मामा भावे,बालाजी मामा भावे,पंडितराव कोपनर सर,रावसाहेब मामा भालके,गजानन पाटील बेद्रे,शुभम ऐडवे,माधव पाटील कदम,राम पाटील कदम,संदीप पाटील कदम,महारुद्र पाटील बेद्रे,जगदीश  कदम,यासह ग्रामस्थ उपस्थित होते

नांदेडमध्ये मेट्रो प्रकल्पासाठी व्यवहार्यता सर्वेक्षण करा - खा. डॉ. अजित गोपछडे यांची केंद्र सरकारकडे मागणी

 

नांदेड : नांदेड शहराचा वाढता विस्तार आणि विकास लक्षात घेता भविष्यातील अंतर्गत प्रवासी वाहतुकीसाठी मेट्रो ट्रेन प्रणाली विकासासाठी त्वरित व्यवहार्यता अभ्यास (फिजिबिलिटी स्टडी) करण्याची मागणी राज्यसभा सदस्य खा. डॉ. अजित गोपछडे यांनी केंद्र सरकारकडे केली आहे.

या संदर्भात खा.डॉ. अजित गोपछडे यांनी केंद्रीय गृहनिर्माण व शहरी कार्य मंत्री मनोहर लाल खट्टर यांना पत्र पाठवून महत्वाचे मुद्दे मांडले आहेत.

नांदेड हे महाराष्ट्राचे दहावे मोठे शहर तर मराठवाड्यातील दुसरे सर्वात मोठे नगरीय केंद्र आहे. धार्मिक, ऐतिहासिक आणि आध्यात्मिक महत्त्वामुळे नांदेडला देश-विदेशातून दरवर्षी लाखो भाविक आणि पर्यटक भेट देतात. दहावे गुरु श्री गुरु गोबिंदसिंह जी यांच्या पावन सान्निध्याने पुनीत नगरी,याच ठिकाणी गुरु महाराजांनी गुरुग्रंथ साहेबांना  गुरुगद्दी प्रदान केली, तसेच याच ठिकाणाहून बंदासिंघ बहादर यांना देशाच्या संरक्षणासाठी उत्तरेत पाठविले हा ऐतिहासिक वारसा आणि पवित्र गोदावरी नदी मुळे नांदेडची धार्मिक पर्यटनपटात  विशेष प्रगती होत आहे.

शहराची जलद वाढती लोकसंख्या, वाहनसंख्या आणि धार्मिक पर्यटकांची सातत्याने वाढती संख्या, शहराचा वाढता विस्तार लक्षात घेता

 नांदेडसाठी आधुनिक, विश्वासार्ह आणि सक्षम सार्वजनिक वाहतूक प्रणालीची गरज अत्यंत निकडीची झाल्याचे खा. गोपछडे यांनी नमूद केले.

शहरातील वर्तमान व भविष्यातील वाहतूक गरजांचे मूल्यांकन,

मेट्रो प्रणालीमुळे होणारे व्यापक लाभ, तांत्रिक, आर्थिक आणि प्रकल्प व्यवस्थापन संदर्भातील व्यवहार्यता, वाहतूक कोंडी कमी होणे आणि गतिशीलतेत सुधारणा यासह धार्मिक पर्यटन व स्थानिक अर्थव्यवस्थेला यामुळे मोठा फायदा होईल. मेट्रो प्रणाली उभारल्यास स्थानिक नागरिकांसह शहरात येणाऱ्या भाविकांच्या प्रवाससुविधेत मोठी क्रांती घडेल, असेही त्यांनी स्पष्ट केले.

“नांदेडमध्ये मेट्रो ट्रेन प्रणाली अत्यावश्यक आहे. त्यामुळे या प्रकल्पासाठी तातडीने वैज्ञानिक पद्धतीने व्यवहार्यता सर्वेक्षण हाती घ्यावे,” अशी विनंती खा. डॉ. अजित गोपछडे यांनी केंद्र सरकारला केली आहे.

शिवराज पाटील चाकूरकर यांच्या निधनाने पितृतुल्य मार्गदर्शक हरपला : आ. चिखलीकर

महाराष्ट्रसह देशाच्या राजकारणावर अनेक दशकं निर्विवाद वर्चस्व गाजविणारे , देशाच्या सर्वच क्षेत्रात आमूलाग्र बदल घडवून आणण्यासाठी अमूल्य योगदान देणारे तपस्वी नेतृत्व , देशाचे माजी गृहमंत्री , पंजाब राज्याचे माजी राज्यपाल , महाराष्ट्राच्या विधिमंडळातील अनेक खात्यांचे माजी मंत्री शिवराज पाटील चाकूरकर यांच्या निधनाने केवळ देशाचेच नाही तर माझे मोठे कौटुंबिक नुकसान झाले आहे. दिवंगत चाकूरकर यांनी महाराष्ट्रील असंख्य युवकांचे नेतृत्व घडवले आहे. यात माझाही समावेश आहे. मी युवक काँग्रेसमध्ये असताना युवक काँग्रेसचा अध्यक्ष व सभापती म्हणून त्यांच्या नेतृत्वात काम करण्याची संधी मला मिळाली. याकाळात त्यांचे सतत मार्गदर्शन मिळत होते . त्यांच्या निधनामुळे एक जानते नेतृत्व देशाने गमावले आहे. असा शोक संदेश आ. प्रतापराव पाटील चिखलीकर यांनी व्यक्त केला आहे.

श्री गुरु तेग बहादर साहिब जी महाराज यांच्या ३५० व्या शहीदी गुरप्रबनिमित्त सरकारकडून साजरा केला जाणारा

श्री गुरु तेग बहादर साहिब जी महाराज यांच्या ३५० व्या शहीदी गुरप्रबनिमित्त सरकारकडून साजरा केला जाणारा "हिंद दी चादर श्री गुरु तेग बहादुर" उत्सव नागपूरहून सुरू झाला - डॉ. विजय सतबीर सिंघ IAS (Retd.) प्रशासक, गुरुद्वारा सचखंड बोर्ड, नांदेड.

दिनांक ०८ डिसेंबर २०२५ श्री गुरु तेग बहादूर साहिब जी महाराज यांच्या ३५० व्या शहीदीला समर्पित भारताचे पंतप्रधान श्री नरेंद्र मोदी जी यांच्या मार्गदर्शनाखाली, "हिंद दी चादर श्री गुरु तेग बहादूर" नावाचा शहीदी शताब्दी उत्सव साजरा केला जात आहे. ह्या कार्यक्रमाची सुरुवात ०७ डिसेंबर रोजी नागपूर येथून झाली. या कार्यक्रमात, महाराष्ट्राचे मुख्यमंत्री श्री देवेंद्र फडणवीस जी यांनी डॉ. विजय सतबीर सिंघ IAS (Retd.) अध्यक्ष, हिंद दी चादर श्री गुरु तेग बहादर शहीदी समागम आणि प्रशासक, गुरुद्वारा सचखंड बोर्ड, नांदेड यांना कार्यक्रम यशस्वीरित्या सुरू केल्याबद्दल, मोठ्या प्रमाणावर साजरा केल्याबद्दल आणि संपूर्ण व्यवस्थापनाबद्दल विशेष सन्मान देण्यात आले. यावेळी श्री गुरु ग्रंथ साहिब जी महाराज यांचा प्रकाश असून गुरबानी कीर्तन व गुरुमत विचारांची चर्चा पूर्ण भक्तिभावाने करण्यात आली. यावेळी श्री नितीन गडकरी जी, परिवहन मंत्री, भारत सरकार, श्रीमती माधुरी मिसाल जी, राज्यमंत्री, श्री चंद्रशेखर बावनकुळे, महसूल मंत्री, महाराष्ट्र, श्री माणिकराव कोकाटे जी, अल्पसंख्याक मंत्री, श्री आशिष जैस्वाल जी, नियोजन मंत्री, श्री गिरीश महाजन जी, जलसंपदा मंत्री, श्री रामेश्वर नाईक जी, नियोजक, हिंद दी चादर श्री गुरु तेग बहाद्दर जी समागम, संत बाबा हरनाम सिंघ जी, जत्थेदार दमदमी टकसाल, संत बाबा बलविंदर सिंघ जी, कार सेवावाले, लंगर साहिब, मुख्य प्रशासक साहेबांचे सल्लागार स. जसवंत सिंघ बॉबी, भाई सुखविंदर सिंघ कथावाचक, श्री विपिन इटनकर, जिल्हाधिकारी नागपूर यांच्यासह महाराष्ट्र शासनाचे मान्यवर व मंत्री उपस्थित होते.

हा कार्यक्रम यशस्वी करण्यासाठी देखरेख आणि मदतीसाठी प्रशासक डॉ. विजय सतबीर सिंघ यांच्या आदेशानुसार गुरुद्वारा सचखंड बोर्ड, नांदेड येथील अधिकारी आणि कर्मचाऱ्यांच्या एका विशेष पथकाने सहभाग घेतला  अधिक्षक, गुरुद्वारा सचखंड बोर्ड, नांदेड.