महाराष्ट्र मेडिकल कौन्सिलने सी.सी.एम.पी. रजिस्ट्रेशन सुरू न केल्यास हिमा संघटनेतर्फे अमर उपोषन व तिव्र आंदोलनाचा इशारा - डॉ. दिपक मोटे (नांदेड जिल्हाध्यक्ष हिमा संघटना) 'आयएमए'चा विरोध अनाठायी असल्याचा दावा

 

महाराष्ट्र मेडिकल कौन्सिलने सी.सी.एम.पी. रजिस्ट्रेशन सुरू न केल्यास हिमा संघटनेतर्फे अमर उपोषन व तिव्र आंदोलनाचा इशारा

- डॉ. दिपक मोटे (नांदेड जिल्हाध्यक्ष हिमा संघटना)

'आयएमए'चा विरोध अनाठायी असल्याचा दावा 

नांदेड : होमिओपॅथिक डॉक्टरांना अॅलोपॅथिक उपचार करण्याची परवानगी मिळाली असून, लवकरच त्यांची नोंद महाराष्ट्र मेडीकल कौन्सिलकडे करण्यात येणार आहे. शासनाच्या या निर्णयामुळे प्रामुख्याने जिथे एमबीबीएस डॉक्टर नाहीत, त्या ग्रामीण भागातील रुग्णांना प्राथमिक अॅलोपॅथीक वैद्यकीय सुविधा मिळणार आहे. त्यामुळे या निर्णयाला इंडियन मेडिकल असोसिएशन (आयएमए) च्यावतीने होत असलेला विरोध अनाठायी आहे, असा दावा हिमा नांदेड संघटनेच्यावतिने करण्यात आला.

हिमा नांदेड संघटनेच्यावतिने शुक्रवार दि. 11 जूलै 2025 रोजी मा. जिल्हाधिकारी नांदेड यांना संघटनेच्यावतिने निवेदन देण्यात आले. यावेळी हिमा संघटनेचे जिल्हाअध्यक्ष डॉ. दिपक मोटे, जिल्हा सचिव डॉ. बालाजी मोरे, डॉ. अशोक कलंत्री, डॉ. संजय पवार, डॉ. कालिदास मोरे, डॉ. जीवन जोशी, डॉ. जयंत जोशी, डॉ. शिवकुमार पवार, डॉ. शेख अब्दूल मुजिद, डॉ. नविद, डॉ. मारोती कस्तुरे यांच्या उपस्थितीत जिल्हाधिकाऱ्यांना निवेदन देण्यात आले. 

महाराष्ट्र राज्यातील वाढती लोकसंख्या व जागतिक आरोग्य संघटनेच्या निकषाप्रमाणे राज्यात आधुनिक चिकित्सा पद्धतीचे उपचार करण्यासाठी वैद्यकिय व्यावसायिंकाची मोठी कमतरता लक्षात घेता महाराष्ट्र शासनाने महाराष्ट्र आरोग्य विज्ञान विद्यापीठाचा एक वर्ष मुदतीचा Certificate Course in Modern Pharmacology (सी.सी.एम.पी.) हा अभ्यासक्रम पूर्ण करणाऱ्या नोंदणीक्रत होमिआपॅथिक वैदयकिय व्यावसायिकांची महाराष्ट्र वैद्यक परिषदेच्या स्वतंत्र नोंदवहित नोंद करण्याबाबत महाराष्ट्र वैद्‌यक परिषदेने दि. 30.06.2025 रोजी अधिसुचना प्रसिद्ध केली आहे. इंडियन मेडिकल असोशिएशन ने महाराष्ट्र वैद्यक परिषदेचे पदाधिकारी यांनी जणू काही हा निर्णय शासनाच्या दबावाखाली नव्यानेच घेतला असे भासवून काही अर्धसत्य व काही असत्य माहिती मिडियाला देऊन राज्याच्या आरोग्य व्यवस्थेत अस्वस्थता व अराजकता माजविण्याचा प्रयत्न करीत आहेत.

ग्रामीण भागात आजही अनेक ठिकाणी एमबीबीएस डॉक्टर नसल्याने आयुश डॉक्टरच रूग्णांना सेवा देतात; मात्र काही आजारांवर अॅलोपॅथीचीच औषधी लिहून देणे आवश्यक असते. 

अशावेळी 'फार्माकॉलॉजी' चा एक वर्षाचा अभ्यासक्रम पूर्ण करणाऱ्या होमियोपॅथीक डॉक्टरांना अॅलोपॅथिक औषधे लिहून देण्याची परवानगी शासनाने दिली आहे. राज्य सरकारने २४ जून २०१४ रोजी महाराष्ट्र वैद्य परिषद कायदा १९६५ आणि महाराष्ट्र सम चिकित्सा वैद्य व्यावसायिक क़ायदा १९६० ला मान्यता दिली. या अंतर्गत महाराष्ट्र आरोग्य विज्ञान विद्यापीठाने होमिओपॅथीक डॉक्टरांसाठी एक वर्षाचा आधुनिक औषधनिर्माणशास्त्र प्रमाणपत्र अभ्यासक्रम (फॉर्माकॉलॉजी) सुरू केला. हा अभ्यासक्रम महाराष्ट्रातील फक्त आणि फक्त आधुनिक चिकित्सा पद्धतीचा वैद्यकिय महाविद्यालयातील नियमित नियुक्ती असलेल्या अध्यापक वर्गाकडून शिकविला जातो. त्यांची परीक्षा महाराष्ट्र आरोग्य विज्ञान विद्यापीठाने नियुक्त केलेल्या आधुनिक चिकित्सा पद्धतीतील वैद्यकिय महाविद्यालयाच्या सेवेत असणाऱ्या अध्यापकांमार्फत घेतली जाते. हा अभ्याक्रम पूर्ण करणाऱ्या वैद्यकिय व्यावसायिकांना त्यांनी प्राप्त केलेल्या ज्ञानाचा विचार करता नियमित BHMS अभ्यासक्रम पूर्ण करतांना MBBS ला असणाऱ्या सर्व विषयांचे तेवढेच सखोलपणे व त्याच पाठ्यपुस्तकांच्या आधारे थिअरी, प्रॅक्टिकल व क्लिनिकल एक्झामिनेशन यशस्वीरित्या पूर्ण करून सीसीएमपी कोर्सद्वारे औषधशास्त्राच्या ज्ञानासह मेडिसीन, सर्जरी, गायनीक, पेडियाट्रिक, इएनटी, ऑप्थामॉलॉजी या सर्व विषयांचे थेअरी बरोबरच प्रॅक्टिकलचे ज्ञान मिळण्याकरिता क्लिनिकल रोटेशन तसेच फार्माकॉलॉजीची प्रॅक्टिकल करून घेतले जाते.

इंडियन मेडिकल असोसिएशन पुणे शाखेने ऑगस्ट 2014 मध्ये या कायद्यास याचिका क्र. 7847/2014 द्वारे आव्हान दिले असले तरी सदर याचिकेतील तरतूदींच्या अंमलबजावणीस वेळोवेळी स्थगिती मिळण्यासाठी केलेले त्यांचे प्रयत्न मा. उच्च न्यायालयाने फेटाळून लावले आहेत. 

तरीही आयएमए कडून जनतेची व शासनाची दिशाभूल करण्याचा प्रयत्न करत आहे. हा आयएमए चा विरोध अनाठायी आहे. महाराष्ट्र मेडिकल कौन्सिलने सी.सी.एम.पी. रजिस्ट्रेशन सुरू करावी अशी मागणी नांदेड हिमा संघटनेच्यावतिने जिल्हाधिकराी साहेबांना निवेदन देण्यात आले. 

यावेळी नांदेड जिल्ह्यातील जिल्हा संघटनेचे सर्व पदाधिकारी व डॉक्टर उपस्थित होते.