पुलवामा हल्ल्यात वीरमरण आलेल्या जवानांच्या कुटुंबियासाठी सलमान खानची मदत

मुंबई - जम्मू-काश्मीरमधील पुलवामात झालेल्या दहशतवादी हल्ल्यात ४० पेक्षा अधिक जवानांना वीरमरण आले. या हल्ल्यानंतर संपूर्ण देशभरात हळहळ व्यक्त करण्यात येत आहे. पाकिस्तानने केलेल्या या भ्याड हल्ल्याचा देशभरातून निषेध केला जात आहे. बॉलिवूडमधूनही या हल्ल्याचा निषेध केला जात आहे. अनेक कलाकार वीर जवानांच्या कुटुंबियांना मदत करण्यासाठी पुढे सरसावले आहेत.

बॉलिवूडचा 'दबंग' सलमान खानने त्याच्या 'बिईंग ह्यूमन' संस्थेमार्फत वीरजवानांच्या कुटुंबियांना मदत केली आहे. यापूर्वी 'बिग बी' अमिताभ बच्चन यांनीदेखील जवानांच्या कुटुंबियांना प्रत्येकी 5 लाखाची मदत जाहीर केलीय. 'उरी' सिनेमाचे निर्माते रोनी स्क्रुवाला यांनीदेखील १ कोटी रुपयांची मदत दिली आहे. आता सलमान खाननेही त्यांच्यासाठी पुढाकार घेतला आहे. 

सलमानने आपली मदत इतरांप्रमाणे सोशल मीडियावर जाहीर न करता  केंद्रीय गृहराज्यमंत्री किरेन रिजिजू यांच्यामार्फत थेट 'भारत के वीर' या नावाने सुरू करण्यात आलेल्या अकाऊंटमध्ये जमा करण्याचा निर्णय घेतलाय. याबाबत किरेन यांनी सलमानचे कौतुकही केले आहे.

सलमानची ही मदत 'भारत के वीर' या अकाऊंटद्वारे वीर जवानांच्या कुटुंबियापर्यंत पोहोचविण्याची व्यवस्था करण्यात येणार असल्याचे किरेन रिजिजू यांनी सांगितले आहे.

Kiren Rijiju

✔@KirenRijiju

Thank you @BeingSalmanKhan on offering to contribute for Pulwama Martyrs through BEING HUMAN FOUNDATION. I'll work out for handing over of the cheques in the account of #BharatKeVeer @BharatKeVeer

7,402

9:34 AM - Feb 17, 2019

Twitter Ads info and privacy

2,634 people are talking about this