माळेगाव यात्रा परिसर विकासासाठी ६ कोटीचा निधी: अंदाजपत्रके तयार करण्याचा सूचना
--------बॉक्स---
बनवस रस्ता, नवा बायपास रस्ता रुंदीकरण
घोडा बाजारात रस्ते ● मंदिर परिसरात काम
मानकाऱ्याच्या पालखीची व्यवस्था
पोलीस चौकीत सुविधा इत्यादी कामे
----------
. माळेगाव दि.१६ ऑग
दक्षिण भारतातील प्रसिध्द असलेल्या माळेगाव यात्रेचा विकास आ. प्रतापराव पाटील चिखलीकर यांच्याच काळात झाला आहे. मुख्यमंत्री देवेंद्र फडणवीस उपमुख्यमंत्री सुनेत्रा पवार, उपमुख्यमंत्री एकनाथ शिंदे याच्याकडे पाठपुरावा करून विविध कामांसाठी सहा कोटीचा निधी आणला आहे. त्या कामांचे नियोजन करण्यासाठी जिल्हापरिषदेचे मुख्य कार्यकारी अधिकारी, तहसीलदार बांधकाम पाणीपुरवठा व संबधित विभागाची बैठक घेण्यात आली . कोणत्या कामाची आवश्यकता आहे यावर चर्चा झाली . प्राधान्याने आवश्यक असलेल्या विकासकामांचे अंदाजपत्रके तयार करावीत असे आमदार प्रतापराव पाटील विखलीकर यांनी सांगितले दिली.
स्वातंत्र्यदिनी (१५ ऑगष्ट) शनिवारी दुपारी माळेगाव यात्रा शासकीय विश्रामगृह येते यात्रा परिसर विकास आराखडाच्या संद‌भनि आ. प्रतापराव पाटील चिखलीकर यांच्या उपस्थितीत बैठक पार पडली.
जिल्हा परिषदेचे मुख्य कार्यकारी अधिकारी संदीप माळोदे, तहसीलदार विठ्ठल परळीकर, उपमुख्य कार्यकारी अधिकारी दतात्रय गीरी, बीडीओ कुलकर्णी,युवा सचिन पाटील चिखलीकर, नगराध्यक्ष शरद पवार, माजी नगराध्यक्ष किरण वट्टमवार जि.प. बांधकाम कार्यकारी अभियंता बालाजी पवार, लोहा तालुका उपाभियंता शिवाजी राठोड सां .बा , विभागाचे उपकार्यकारी अभियंता सुमित पाटील, पाणी पुरवठा अधिकारी डी-बी बनसोडे , माजी उपनगराध्यक्ष दता वाले, मंदिर ट्रस्ट चे दयानंद पाटील , गटशिक्षणाधिकारी गंगाजी, माळाकोळी सहायक पोलीस निरीक्षक हिंगोले, इंजि गुंडावार, माजी उपसभापती रोहित पाटील आंडगेकर, सतीश व्यवहारे सरपच हणमंत धुळगंडे , विजय वाघमारे ,यासह विविध विभागाचे प्रमुख उपस्थित होते
आ. प्रतापराव पाटील चिखलीकर यांनी यात्रा परिसरात करावयाच्या कामावर विभाग निहाय अधिकाऱ्याची चर्चा केली . पोलीस चौकीत सुविधा, घोडेबाजारात रस्ता, विश्रामगृहाला कायम स्वरुपी पाणीव्यवस्था, न रेस्ट हाऊस विस्तार, मिटिंग हॉल , मानकाऱ्याच्या पालखी सुविधा बनवस रस्ता रुंदीकरण, नवीन बायपास रस्ता मजबुतीकरण, मंदिरात पाणी निचरा सुविधा,ही कामे प्राधान्याने करण्यावर भर देण्यात आला तसेच यात्रेच्या जागेची हद्द कायम करणे त्यावर पोल रोवणे अशी सविस्तर चर्चा झाली. हा कोटी रुपयांच्या कामाचे नियोजन व अंदाजपत्रक तयार करण्याच्या सूचना दिला यात्रा चार महिने राहिली आहे तत्पूर्वी कामे व्हावीत अशी अपेक्षा आमदार महोदयांनी व्यक्त केली
आ. चिखलीकरांच्या तिसऱ्या टर्म मध्येही निधी
-------------------------------
माळेगाव यात्रेला तत्कालीन मुख्यमंत्री विलासराव देशमुख यांनी २००५ मध्ये पर्यटन स्थळाचा दर्जा दिला व साडेपाच कोटीचा निधी उपलब्ध करून दिला. त्यावेळी पहिल्याच टर्म मध्ये प्रतापरावांख्यी प्रयल केले. त्यांच्या दुसऱ्या टर्म मध्ये मुख्यमंत्री देवेंद्र फडणवीस यांनी साडे सात कोटीचा निधी दिला आता तिसऱ्या टर्म मध्ये सहा कोटी रुपये मंजूर झाले आहेत. मुख्यमंत्री देवेंद्र फडणवीस उपमुख्यमंत्री सुनेत्रा पवार, उपमुख्यमंत्री एकनाथ शिंदे, ग्रामविकास मंत्री गोरे, पर्यटनमंत्री शंभूराजे देसाई यांचे सह‌कार्य लाभले असे प्रतापराव पाटील यांनी आवर्जून सांगितले
लोकनेते . विलासराव देशमुख यांच्या पुतळ्यासाठी ग्रामपंचायतीने पुढाकार घ्यावा
---------------------
स्व विलासराव देशमुख यांचे माळेगावचा खंडोबा हे कुलदैवत आहे त्यांच्यामुळे यात्रेला राजाश्रय मिळाला गावकऱ्यांनी स्व विलासराव देशमुख यांच्या पुतळ्यासाठी जागा उपलब्ध करून द्यावी व भव्य पुतळा उभारण्यासाठी पुढाकार घ्यावा असे प्रतापराव पाटील यांनी ग्रामस्थांना आहवान केले आहे
